حذف حسابك وبياناتك
تحذفه انت بنفسك، من هنا أو من التطبيق، وينمسح بنفس اللحظة.
آخر تحديث: تشرين الثاني 2026
احذفه من هنا
سجّل دخول بنفس الطريقة اللي دخلت بيها للتطبيق. نعرضلك الحساب، وتأكد الحذف بضغطة.
أو من التطبيق
افتح كاسكال
وادخل على «حسابي» من الشريط السفلي.
انزل لآخر الصفحة
تحت «تسجيل الخروج» تلگه «احذف الحساب» بالأحمر.
أكّد الحذف
اضغط «احذف نهائياً». الحساب ينمسح بنفس اللحظة وتطلع من التطبيق.
ينمسح بنفس اللحظة
- اسمك، إيميلك، رقم هاتفك، صورتك، اسم المستخدم، تاريخ ميلادك، وحسابات انستگرام وفيسبوك اللي كتبتها
- اللي أخذناه من Google أو فيسبوك وقت تسجيل الدخول
- سفراتك، سياراتك، وأماكنك المحفوظة
- رسائلك، تسجيلاتك الصوتية، ومحادثاتك
- أصدقاؤك وعضويتك بالعائلة. إذا العائلة انت سويتها تنحذف هي ومحادثتها
- مشاركة موقعك ونداءات الاستغاثة
- جلسات الدخول على كل أجهزتك
يبقى، بدون اسمك
- الأماكن اللي ضفتها للخريطة ومعلومات محلك التجاري: صارت جزء من الخريطة. إذا تريد شي منها ينشال، راسلنا
- تقييماتك وبلاغاتك، كأرقام بدون اسم
- إعلاناتك تتوقف، وسجل دفعاتها يبقى للمحاسبة
- نسخ الاحتياط مال السيرفر: تنمسح وحدها خلال 14 يوم
دخلت بفيسبوك أو Google؟
حذف الحساب يمسح كلشي أخذناه منهم. وإذا تريد تشيل كاسكال من حسابك هناك هم: بفيسبوك من «الإعدادات والخصوصية» ثم «الإعدادات» ثم «التطبيقات والمواقع»، وبـ Google من «إدارة حسابك» ثم «الأمان» ثم «اتصالاتك بتطبيقات وخدمات خارجية».
ما تگدر تفتح التطبيق؟
نزّل كاسكال من جديد، سجّل بنفس الحساب، واحذفه بالخطوات اللي فوگ.