كاسكال، دربك علينا
تطبيق ملاحة عراقي: خريطة العراق، توجيه بصوت عراقي، زحام لحظي من السواق نفسهم، وأهلك وياك عالدرب.
شيسوي
توجيه خطوة بخطوة
بصوت عراقي أو فصحى أو إنگليزي. يگول اسم الشارع، ينبهك قبل المنعطف، ويصحح الطريق فوراً إذا غلطت.
زحام وبلاغات لحظية
سرعة الطريق تجي من السواق اللي عليه هسه. وحادث، قطع، مطب أو سيطرة: واحد يبلّغ والكل يشوف.
أماكن العراق
محطات وقود، صيدليات، مطاعم، مستشفيات وأسواق قريبة منك بضغطة، بساعات عملها وأرقامها وتقييم الناس.
جماعتك عالخريطة
عائلة برابط دعوة، أصدقاء، محادثة ورسائل صوتية، وموقع مباشر تشاركه انت. محد ينشاف موقعه بدون علمه.
نداء استغاثة
زر SOS يوصل لعائلتك أو للسواق القريبين منك، ويه موقعك وسبب النداء.
خريطة بدون نت
نزّل خريطة العراق كاملة على تلفونك وتبقى تشوفها حتى لو انقطعت الشبكة.
سيارتك وكلفتها
اختار سيارتك ومحركها، ويحسبلك التطبيق بانزين كل مشوار وسفراتك بالشهر.
على ذوقك
ستة ألوان جاهزة، لون تلفونك، أو لون تسويه انت. ليلي ونهاري، وسيارتك بشكلها عالخريطة.
ليش «كاسكال»؟
كلمة سومرية معناها «الطريق»، انكتبت بالمسماري بهاي الأرض قبل آلاف السنين. والتطبيق من هنا همين.
بياناتك إلك
- ما نبيع بياناتك، وما نسوي عنك ملف إعلاني.
- موقعك المباشر يبقى عدنا خمس دقايق بس، وينشاف بس للي انت سمحتلهم.
- سرعة الطريق تنرسل بدون اسمك وما تنربط بحسابك.
- تحذف حسابك وكل بياناتك بنفس اللحظة، من التطبيق أو من هذا الموقع.
التطبيق
كاسكال لتلفونات أندرويد. نسخة الآيفون بعدها ما موجودة.
قريباً على متجر Google Play.
تواصل ويانا
من داخل التطبيق: «حسابي» ثم «تواصل ويانا».